Cristina Rodríguez

JASANGARRITASUN ARDURADUNA

Cristina Rodríguez EROSKIko Jasangarritasun Arduraduna da. 2017an sartu zen erakunde horretan. Bere posiziotik,  posizionamendu estrategikoaren garapenaz eta ingurumen eta gizarte-ekintzaren alorreko sostengu teknikoaz arduratzen da. Gidatzen dituen proiektuen artean, EROSKIren marka propioaren ontzien % 100ren ekodiseinua dago, 2025erako.

Ingeniaritza Kimikoan lizentziatua da Bilboko Ingeniaritza Goi Eskolatik, Ingurumen Ingeniaritzan espezializatua. Halaber, MSc in Water and Wastewater Engineering da Cranfield Unibersitytik (Erresuma Batua).  Hamarkada bat darama ingurumenaren alorrean lan egiten, bai sektore publikoan (Arabako Anana Eskualdea) eta bai aholkularitzan (GreenDelta, Alemania). Nazio Batuen Ingurumen Programaren “Global LCA Data Access” (GLAD) sarearekin kolaboratu du, eta zenbait proiektu gauzatu ditu Estatu Batuetako Ingurumen Agentziarentzat (US EPA) eta Europar Batasuneko Ikerketa Zentro Komunarentzat (JRC), beste batzuen artean.